Tinik sa Rehas

Pagsikat ng araw di mapigilan
Tinik at rehas, ito ba'y may ugnayan?
Parang tubig at langis sa mundo
Kailanman ay di kayang ipaghalo

Ngunit ang tinik kapantay ay rehas
Dahil itong tinik ay mayroon rosas
Rosas sa rehas ng isang bilanggo
Sapagkat ang tao'y sadyang may puso

Puso na naging dulot ay pag-ibig
Ng dahil sa rehas ay may iniibig
Walang makakahadlang kahit nasa rehas
Talagang ipagpupunyaging maabot ang rosas

Rosas na ang tinik ay rehas
Rehas na ang bulaklak ay rosas
Sana ay ipagpala ng ating Diyos
Na ang rehas , maging bunga ay rosas.