Balatkayo (Pretend)

May mga taong pag nakaharap
Tumatawa at nagsasaya
Pag nakatalikod
Umiiyak at lumuluha

May mga taong pag nakaharap
ay nagpapanggap na marangal at mayaman
Sa likod pala nito'y
daig pa ang daga sa kahirapan

May mga taong pag nakaharap
nagtatago, naglilihim
ngunit pag nakatalikod
may nais palang ipahayag at sabihin

May mga taong pag nakaharap
mabait at nagmamalinis
ngunit pagkatalikod
masama at masungit


May mga taong pag nakaharap
nais na itago ang kasamaan at kasalanan
sa likod pala nito'y
nais na matulungan at maagapayan

Ah! Bakit ganyan ang TAO?
Mahilig sa BALATKAYO